'അഭിനേതാക്കൾ കലാകാരികളുടെ പിച്ചച്ചട്ടിയിൽ കൈയിട്ടു വാരുന്നു' - മഞ്ജു വാര്യരെ പരിഹസിച്ച് കലാമണ്ഡലം ഹേമലത
മഞ്ജു വാര്യരേയും ജയറാമിനേയും പരിഹസിച്ച് കലാമണ്ഡലം ഹേമലത
കേരള കലാമണ്ഡലം എം കെ കെ നായർ പുരസ്കാരം ഇത്തവണ ലഭിച്ചത് നടി മഞ്ജു വാര്യർക്ക് ആയിരുന്നു. പുരസ്കാരം മഞ്ജുവിനു നൽകിയതിനെ വിമർശിച്ച് രംഗത്തെത്തിയിരിക്കുകയാണ് വുമൺ പെഫോമിങ് ആർട്സ് അസോസിയേഷൻ. കലാമണ്ഡലത്തിൽ നിന്നും പഠിച്ചിറങ്ങിയ കലാകാരികളെ അവഗണിച്ചാണ് അഭിനേതാക്കൾക്ക് അവാർഡ് നൽകുന്നതെന്ന് അസോസിയേഷൻ സെക്രട്ടറി കലാമണ്ഡലം ഹേമലത പറയുന്നു.
ഇത്തവണ മഞ്ജുവിനു ആയിരുന്നെങ്കിൽ കഴിഞ്ഞ വർഷം നടൻ ജയറാമിനായിരുന്നു പുരസ്കാരം നൽകിയിയത്. കലാകാരികളുടെ പിച്ചച്ചട്ടിയിൽ കൈയിട്ടു വാരുന്ന ഈ പ്രവണത നിർത്തണമെന്നും ഇത്തരം പ്രവൃത്തിയിൽ നിന്നും അഭിനേതാക്കൾ മാറി നിൽക്കണമെന്നും ഹേമലത വ്യക്തമാക്കി.
പക്ഷപാതം അനുസരിച്ചാണ് പലപ്പോഴും പുരസ്കാരങ്ങൾ നൽകുന്നത്. ചോദ്യം ചെയ്യുന്നവരേയും പരാതി പറയുന്നവരേയും കലാമണ്ഡലത്തിലേക്ക് പ്രവേശനം പോലും ലഭിക്കില്ല. അതുകൊണ്ട് പരാതിപ്പെടാൻ കലാകാരികൾക്ക് ഭയമാണെന്നും ഹേമലത വ്യക്തമാക്കി.
