മോഹൻലാലും മമ്മൂട്ടിയും ഇനിയും മിണ്ടാതിരിക്കരുത്: ബി ഉണ്ണികൃഷ്ണൻ
'ആരാധകർ അതിരു വിടുന്നു, മമ്മൂട്ടിയും മോഹൻലാലും മിണ്ടാതിരിക്കരുത്' - ബി ഉണ്ണികൃഷ്ണൻ
മലയാള സിനിമയിൽ അടുത്തിടെയായി ഫാൻ ഫൈറ്റ് കൂടുതലാണ്. സോഷ്യൽ മീഡിയ വഴി മറ്റ് താരങ്ങളുടെ ചിത്രങ്ങളെ മോശമായി ചിത്രീകരിക്കുന്ന പ്രവണത ഇപ്പോൾ കൂടുതലാണ്. നല്ല ചിത്രത്തെ വരെ മോശമാണെന്ന് പ്രചരിപ്പിക്കുന്നു. സംഭവത്തിൽ പ്രതികരണവുമായി സംവിധായകൻ ബി ഉണ്ണികൃഷ്ണൻ രംഗത്തെത്തിയിരിക്കുകയാണ്.
ആരാധകർ തമ്മിൽ യുദ്ധാന്തരീക്ഷമാണ് ഇപ്പോൾ ഉള്ളതെന്നും ഇക്കാര്യത്തിൽ മമ്മൂട്ടിയും മോഹൻലാലും മൗനം വെടിയണമെന്നും ഉണ്ണികൃഷ്ണൻ മനോരമ ഓൺലൈനു നൽകിയ അഭിമുഖത്തിൽ വ്യക്തമാക്കി.
നല്ലസിനിമയുടെ അളവുകോലിതല്ലെന്നു മമ്മൂട്ടിയും മോഹന്‍ലാലും ദിലീപും പൃഥ്വിയും ആരാധകരോടു പറയണം. വില്ലന്‍റെ സംവിധായകന്‍ മറ്റു പലരുമായിരുന്നെങ്കില്‍ ക്ളാസിക്കെന്നു പറയുമായിരുന്നുവെന്നും ഉണ്ണിക്കൃഷ്ണന്‍ പറഞ്ഞു.
