മമ്മൂട്ടിയുടേത് ഡബിൾ റോൾ? - മമ്മൂക്ക പറയുന്നു
ഡെറിക് അവതരിക്കാൻ ഇനി ഒരു മണിക്കൂറുകൾ മാത്രം!
കളം നിറഞ്ഞ് കളിക്കാൻ ഡെറിക് എബ്രഹം വരികയാണ്. ഇനി വെറും ഒരു ദിവസം മാത്രം. ചിത്രത്തിൽ മമ്മൂറ്റി എത്തുന്നത് ഡബിൾ റോളിലാണെന്ന് തുടക്കം മുതൽ തന്നെ അഭ്യൂഹങ്ങൾ ഉണ്ടായിരുന്നു. ഇക്കാര്യം മമ്മൂട്ടിയോട് നേരിട്ട് ചോദിച്ചപ്പോൾ ‘എല്ലാക്കാര്യം ഇപ്പഴേ അറിയണോ?’ എന്നായിരുന്നു താരത്തിന്റെ മറുപടി.
എന്നാൽ, ചിത്രത്തിൽ മമ്മൂട്ടി രണ്ട് റോളിൽ എത്തുന്നില്ലെന്നും ഡെറിക് എബ്രഹാമിന്റെ വ്യത്യസ്ത മുഖങ്ങളാണ് കാണിക്കുന്നതെന്നുമാണ് സംവിധായകൻ ഷാജി പാടൂരിന്റെ വാക്കുകൾ. മുഖ്യധാര ചിത്രങ്ങൾക്ക് ആവശ്യമായ എല്ലാ ചേരുവകളും ചേർത്ത് തന്നെയാണ് ചിത്രം ഒരുക്കിയിരിക്കുന്നത്.
സിനിമാപ്രേമികള്‍ ഒന്നടങ്കം കാത്തിരിക്കുന്ന ചിത്രം നാളെയാണ് റിലീസ് ചെയ്യുന്നത്. ഒരു മാസ് ക്ലാസ് ത്രില്ലർ മൂവിയാണ് അബ്രഹാമിന്റെ സന്തതികൾ. ഈ ചിത്രത്തിലൂടെ ഏതൊക്കെ റെക്കോര്‍ഡുകള്‍ മമ്മൂട്ടിക്കായി വഴി മാറുമെന്നത് കാത്തിരുന്ന് കാണേണ്ട കാര്യമാണ്. ഏതായാലും ഗ്രേറ്റ് ഫാദറിനേക്കാൾ വലിയ വിജയമാകും അബ്രഹാമിന്റെ സന്തതികൾ എന്നാണ് ആരാധകർ പറയുന്നത്.
