അറിയാമോ ? അകാല നരയെ ചെറുക്കാന്‍ ഈ പ്രകൃതിദത്ത മാര്‍ഗങ്ങള്‍ മാത്രം മതി !

ഇതൊന്നു പരീക്ഷിച്ചോളൂ... അകാല നരയെന്ന പ്രശ്നം പിന്നെ ഉണ്ടാകില്ല !

വെള്ളി, 9 ജൂണ്‍ 2017 (15:45 IST)
ഇന്ന് പ്രായവ്യത്യാസമില്ലാതെ പിടിപ്പെടുന്ന രോഗമാണ് അകാല നര. ഇതിന് പലരും പല മരുന്നും ഉപയോഗിച്ച് ഫലം കിട്ടാതെ പോയവരാകും. പലപ്പോഴും ഇത്തരക്കാര്‍ മുടി കറുപ്പിക്കാന്‍ ഹെന്ന ചെയ്യാറുണ്ട്. എന്നാല്‍ ഹെന്ന മാത്രം അല്ല ഇതിനുള്ള പരിഹാരം. ഉള്ളി, കറിവേപ്പില.തുടങ്ങിയവയെല്ലാം അകാല നരയ്ക്കും, മുടിക്ക് നിറം ലഭിക്കാനുമുള്ള പ്രതിവിധികളാണ്.
 
ജലാംശം ഒട്ടുമില്ലാത്ത നെല്ലിക്കയും ഉലുവ പൊടിയും ചേര്‍ത്ത് കുഴമ്പുരൂപത്തിലാക്കി തലയില്‍ തേച്ചാല്‍ മുടി നരയ്ക്കുന്നത് തടയാന്‍ കഴിയും കുടാതെ ഉള്ളിയും നാരങ്ങാനീരും സമാസമം ചേര്‍ത്ത് മുടിയില്‍ തേച്ച് പിടിപ്പിക്കുക. അരമണിക്കൂറിന് ശേഷം തലയില്‍ എണ്ണ തേച്ച് കുളിക്കുന്നതും വളരെ നല്ലതാണ്. 
 
ഉള്ളി ചേര്‍ത്ത് തിളപ്പിച്ച വെളിച്ചെണ്ണ ചൂടാറിയ ശേഷം തലയില്‍ തേച്ച് കഴുകുക. ഉള്ളി ഈ രീതിയില്‍ ഉപയോഗിച്ചാല്‍ തലയോട്ടിയിലെ അഴുക്കിനെ ഇല്ലാതാക്കാം. തലയിലെ രക്തയോട്ടത്തെ വര്‍ധിപ്പിച്ച് മുടി വളരാനും ഇത് സഹായിക്കും. കറുവേപ്പില 200 മില്ലി വെളിച്ചെണ്ണയില്‍ ഇട്ട് കറുത്ത നിറം ആകുന്നത് വരെ തിളപ്പിച്ച് ചൂടാറിയ ശേഷം തലയില്‍ തേച്ച് പിടിപ്പിക്കുക. 
 
കുളിക്കുന്നതിനെ ഒരു മണിക്കൂര്‍ മുന്‍പ് ഇത് തലയില്‍ തേച്ച് പിടിപ്പികണം. എന്നാല്‍ തല നരയ്ക്കുന്നത് ഇല്ലാതാക്കാം മുടിക്ക് കറുപ്പ് നിറവും തിരിച്ച് കിട്ടും. ആഹാരത്തില്‍ ധാരാളം ഇലക്കറിയും പച്ചക്കറിയും ചേര്‍ക്കുന്നത് വളരെ നല്ലതാണ്. ഈ രീതിയില്‍ മരുന്നുകള്‍ ഉപയോഗിച്ചാല്‍ മുടിയുടെ നിറം വീണ്ടെടുക്കാം.

വെബ്ദുനിയ വായിക്കുക

LOADING