ശബരിമല സ്ത്രീ പ്രവേശനത്തില്‍ തുറന്നടിച്ച് വരലക്ഷമി
ശബരിമല സ്ത്രീ പ്രവേശനത്തില്‍ തുറന്നടിച്ച് വരലക്ഷമി
ശബരിമലയിലെ യുവതി പ്രവേശനവുമായി ബന്ധപ്പെട്ട സുപ്രിംകോടതി വിധിയെ സ്വാഗതം ചെയ്‌ത് നടി വരലക്ഷമി ശരത്കുമാര്‍.
ശബരിമലയില്‍ സ്‌ത്രീകള്‍ പ്രവേശിക്കുന്നതില്‍ എതിര്‍പ്പിന്റെ ആവശ്യമില്ല. ഈശ്വരന് മുന്നില്‍ സ്‌ത്രീയും പുരുഷനും ഒരു പോലെയാണെന്ന് വരലക്ഷമി വ്യക്തമാക്കി.
തമിഴ്‌ സിനിമാ ലോകത്ത് വിവാദമായ മീ ടു വിവാദത്തില്‍ വൈരമുത്തുവിനെതിരെയും വരലക്ഷ്മി തുറന്നടിച്ചു. കണ്ടാല്‍ മാന്യന്മാര്‍ എന്നു തോന്നുന്നവര്‍ അങ്ങനെ അല്ലെന്ന് വ്യക്തമായെന്നും താരം പറഞ്ഞു.
മലയാളത്തില്‍ ആക്രമിക്കപ്പെട്ട നടിക്ക് കൂടുതല്‍ പിന്തുണ ലഭ്യമാകണമായിരുന്നു. ഭയം മൂലമാകാം പലരും ഇക്കാര്യത്തില്‍ നിന്നും പിന്നോട്ട് പോയത്. ഈ വിഷയത്തില്‍ നിലവിലെ വിവരങ്ങള്‍ അറിയില്ലെന്നും ഏഷ്യാനെറ്റ് ന്യൂസിന് നല്‍കിയ അഭിമുഖത്തില്‍ വരലക്ഷ്മി കൂട്ടിച്ചേര്‍ത്തു.
