കണ്ണന്താനത്തിന് വേണ്ടി വിമാനം വൈകിപ്പിച്ചു; ജനക്കൂട്ടം നോക്കി നില്‍ക്കെ യാത്രക്കാരിയില്‍ നിന്നും ശകരമേറ്റുവാങ്ങി കേന്ദ്രമന്ത്രി
കണ്ണന്താനത്തിന് വേണ്ടി വിമാനം വൈകിപ്പിച്ചു; ജനക്കൂട്ടം നോക്കി നില്‍ക്കെ യാത്രക്കാരിയില്‍ നിന്നും ശകരമേറ്റുവാങ്ങി കേന്ദ്രമന്ത്രി
വൈകി എത്തിയതിനെ തുടര്‍ന്ന് വിമാനം താമസിച്ച സംഭവത്തില്‍ കേന്ദ്രടൂറിസം മന്ത്രി അൽഫോൺസ് കണ്ണന്താനത്തിന് നേരെ രോഷപ്രകടനം. വൈകിയെത്തിയ മന്ത്രിക്ക് വേണ്ടി വിമാനം ഏറെനേരം കാത്തുകിടന്നതാണ് വനിതാ ഡോക്‍ടറെ ചൊടിപ്പിച്ചത്. യുവതി കണ്ണന്താനത്തോട് ക്ഷുഭിക്കുന്ന ദൃശ്യങ്ങള്‍ പുറത്തുവന്നു.
ഗുരുതര നിലയില്‍ കിടക്കുന്ന തന്റെ രോഗിയെ ചികിത്സിക്കുന്നതിനായി പട്‌നയിലേക്ക് പോവാനായാണ് ഡോക്ടര്‍ എത്തിയത്. എന്നാല്‍ വിവിഐപിക്ക് വേണ്ടി വിമാനം പുറപ്പെടുന്നത് അധികൃതര്‍ വൈകിപ്പിച്ചു. 2.45ന് പുറപ്പെടേണ്ട വിമാനം ഏറെ പുറപ്പെട്ടത്.
തുടര്‍ന്ന് വിമാനത്താവളത്തില്‍ നിന്നും പുറത്തെത്തിയ കണ്ണന്താനത്തോട് യുവതി ക്ഷോഭിച്ചു സംസാരിക്കുകയായിരുന്നു. വിമാനം ഏറെനേരംവൈകിയതാണ് യുവതിയെ പ്രകോപിപ്പിച്ചത്. വിമാനം വൈകിപ്പിക്കുന്നതു പോലെയുള്ള നടപടികള്‍ ഇനി ആവര്‍ത്തിക്കരുതെന്നും ഇവര്‍ മന്ത്രിയോട് പറഞ്ഞു.
പ്രശ്‌നത്തില്‍ ഇടപെടാന്‍ ശ്രമിച്ച സുരക്ഷാ ജീവനക്കാരനോടും യുവതി ദേഷ്യപ്പെടുന്നുണ്ട്. ദൃശ്യങ്ങള്‍ പുറത്തുവന്നതോടെ പ്രതികരണവുമായി മന്ത്രി രംഗത്തെത്തി. താൻ വിമാനത്താവളത്തിലെത്താൻ വൈകിയിട്ടില്ലെന്നും കാര്യമറിയാതെയാണ് യുവതിയുടെ ആക്രോശമെന്നും അദ്ദേഹം പ്രതികരിച്ചു.
