Select Your Language

Notifications

webdunia
webdunia
webdunia
webdunia

വിമാനത്താവളത്തിൽ പവർബാങ്ക് വലിച്ചെറിഞ്ഞ് സ്ഫോടനം: മധ്യവയസ്കയെ പൊലീസ് അറസ്റ്റ് ചെയ്തു

വിമാനത്താവളത്തിൽ പവർബാങ്ക് വലിച്ചെറിഞ്ഞ് സ്ഫോടനം: മധ്യവയസ്കയെ പൊലീസ് അറസ്റ്റ് ചെയ്തു
, വ്യാഴം, 30 ഓഗസ്റ്റ് 2018 (12:44 IST)
ഡല്‍ഹി: വിമാനത്താവളത്തില്‍ പവര്‍ ബാങ്ക് എറിഞ്ഞ് സ്ഫോടനമുണ്ടാക്കിയതിനെ തുടർന്ന് മദ്ധ്യവയസ്കയെ ഡല്‍ഹി പൊലീസ് അറസ്റ്റ് ചെയ്തു. ഡല്‍ഹി അന്താരാഷ്ട്ര വിമാനത്താവളത്തില്‍ ബുധനാഴ്ചയായിരുന്നു സംഭവം ഉണ്ടായത്.
 
വിമാനത്താവളത്തിലെ സുരക്ഷാ പരിശോധനയിൽ സ്ത്രീയുടെ കൈവശം പവര്‍ ബാങ്ക് കണ്ടെത്തിയ ഉദ്യോഗസ്ഥര്‍ ബാഗില്‍ നിന്ന് ഇത് നീക്കം ചെയ്യാൻ നിർദേശിച്ചിരുന്നു. എന്നാല്‍ സുരക്ഷാ ഉദ്യോഗസ്ഥരുടെ നടപടിയിൽ അരിശംപൂണ്ട സ്ത്രീ പവര്‍ ബാങ്ക് നിലത്ത് എറിയുകയായിരുന്നു. ഇതോടെയാണ് പവര്‍ ബാങ്ക് പൊട്ടിത്തെറിച്ചത് .
 
പവർബാങ്ക് വലിയ ശബ്ദത്തോടെ പൊട്ടിത്തെറിച്ചതോടെ യാത്രക്കാരിൽ ഇത് പരിഭ്രാന്തി പരത്തി. ഇതോടെ സ്ത്രീയെ അറസ്റ്റ് ചെയ്യുകയും പിന്നീട് ജാമ്യത്തിൽ വിടുകയുമായിരുന്നു. വിവിധ വകുപ്പുകൾ ചുമത്തി ഇവർക്കെതിരെ കേസെടുത്തതായി പൊലീസ് അറിയിച്ചു.  

Share this Story:

Follow Webdunia malayalam

അടുത്ത ലേഖനം

ചായ വിറ്റ് നടന്നാൽ മതിയായിരുന്നുവെന്ന് തോന്നുന്നുണ്ടോ? - മോദിയോട് ചിമ്പു