പത്തനംതിട്ട: ശബരിമലയെ വിനോദ സഞ്ചാര കേന്ദ്രമാക്കി മാറ്റാൻ അനുവദിക്കില്ലെന്ന് പ്രതിപക്ഷ നേതാവ് രമേശ് ചെന്നിത്തല. ശബരിമലയിൽ പ്രായഭേതമന്യേ എല്ലാവർക്കും പ്രവേശിക്കാം എന്ന സുപ്രീം കോടതി വിധിക്കെതിരെ കോൺഗ്രസ് സംഘടിപ്പിച്ച ഉപവാസ സമരം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
സുപ്രീം കോടതിക്ക് കാര്യങ്ങൾ വ്യക്തമായി ബോധ്യപ്പെടാത്തതുകൊണ്ടാണ് ഇത്തരം ഒരു വിധിയുണ്ടായത്. വസ്തുതകൾ സംസ്ഥാന സർക്കാർ കോടതിയിൽ ബോധ്യപ്പെടുത്തിയിരുന്നില്ല. സംസ്ഥാന സർക്കാരാണ് സ്ത്രീ പ്രവേശനത്തിന് അനുകൂലമായി സത്യവാങ്‌മൂലം നൽകിയത്.
ശബരിമലയിലെ ആചാരങ്ങളെ മാനിക്കുന്ന നിലപാടാണ് യു ഡി എഫ് സർക്കാർ സ്വീകരിച്ചത്. ലിംഗ സമത്വത്തിന് കോൺഗ്രസ് പ്രതിജ്ഞാബദ്ധമാണ്. എന്നാൽ ശബരിമലയിലെ സാഹചര്യം വ്യത്യസ്തമാണ്. ക്ഷേത്ര പ്രവേശനത്തിനിയി സമരം ചെയ്ത പ്രസ്ഥാനമാണ് കോൺഗ്രസ് എന്നും ചെന്നിത്തല പറഞ്ഞു.
