ബാഹുബലിക്ക് തകർക്കാൻ പറ്റാതെ പോയ ആ റെക്കോർഡ് ആരുടേത്?
ബാഹുബലിക്കും തൊടാൻ കഴിഞ്ഞില്ല!...
ഇതുവരെയുള്ള ചരിത്രങ്ങൾ എല്ലാം തകർത്തെറിഞ്ഞുകൊണ്ടാണ് രാജമൗലിയുടെ ബാഹുബലി 2 മുന്നേറ്റം നടത്തുന്നത്. അഞ്ച് ദിവസം കൊണ്ട് 625 കോടിയാണ് ചിത്രം നേടിയിരിക്കുന്നത്. ഇന്ത്യൻ സിനിമ മുഴുവൻ ബാഹുബലിയുടെ തേരോട്ടത്തിൽ അന്തംവിട്ടിരിക്കുകയാണ്.
സൽമാൻ ഖാന്റേയും ആമിർ ഖാന്റെയും റെക്കോർഡുകൾ തകർത്ത ബാഹുബലിക്ക് മറികടക്കാൻ പറ്റാതെ പോയ ഒരു റെക്കോർഡ് ഉണ്ട്. ബോളിവുഡില്‍ നിന്നുമാണ് ആ റെക്കോർഡു‌ള്ളത്. സാക്ഷാൽ ഷാരൂഖ് ഖാന്റെ റെക്കോർഡ് ആണ് ബാഹുബലിക്ക് പൊട്ടിക്കാൻ പറ്റാതെ പോയത്.
ഹിന്ദിയില്‍ ആദ്യ ദിനം ആമിര്‍ ഖാന്റെ ദംഗലിന്റെയും സല്‍മാന്‍ ഖാന്റെ സുല്‍ത്താന്റെയും റെക്കോര്‍ഡുകള്‍ മറികടന്ന സിനിമക്ക് ഷാരുഖ് ഖാന്റെ സിനിമയുടെ അടുത്ത് എത്താന്‍ മാത്രമെ കഴിഞ്ഞുള്ളു. ഫാര ഖാന്‍ സംവിധാനം ചെയ്ത് 2014 ല്‍ പുറത്തിറങ്ങിയ ' ഹാപ്പി ന്യൂയര്‍' എന്ന ചിത്രത്തിന്റെ ആദ്യ ദിന കളക്ഷന്റെ അയലത്തെത്താൻ മാത്രമേ ബാഹുബലിക്ക് കഴിഞ്ഞുള്ളു.
ആദ്യ ദിനം തന്നെ 45 കോടിയായിരുന്നു ' ഹാപ്പി ന്യൂയര്‍' നേടിയത്. സിനിമ റിലീസായി രണ്ടര വര്‍ഷം കഴിഞ്ഞിട്ടും അതിനെ മറികടക്കാന്‍ മറ്റ് സിനിമകള്‍ക്ക് സാധിച്ചില്ല. ഇപ്പോൾ ബാഹുബലിക്കും അതിന് കഴിയാതെ വന്നിരിക്കുകയാണ്. ആദ്യ ദിനത്തില്‍ ഹിന്ദിയില്‍ നിന്നും 41 കോടിയാണ് ബാഹുബലി നേടിയത്. മറ്റു ഭാഷകളില്‍ നിന്നുമായി 121 കോടിയാണ് സിനിമ സ്വന്തമാക്കിയത്.
