ഇന്ത്യൻ സിനിമ കണ്ട ഏറ്റവും വലിയ ഓഡിയോ ലോഞ്ച് ദുബായിൽ!
2.0 യുടെ ഓഡിയോ ലോഞ്ച് ദുബായിൽ
ഇന്ത്യൻ സിനിമാ ചരിത്രത്തിലെ ഏറ്റവും വലിയ ഓഡിയോ ലോഞ്ച് ദുബായിൽ. രജനീകാന്ത് ചിത്രം 2.0യുടെ ഓഡിയോ ലോഞ്ചാണ് ആരാധകർ ഏറെ പ്രതീക്ഷയോടെ കാത്തിരിക്കുന്നത്. ചിത്രത്തിന്റെ ഷൂട്ടിങ് പൂർത്തിയായിരിക്കുകയാണ്.
കമൽ ഹാസനാണ് മുഖ്യാതിഥി. ചിത്രത്തിലെ പ്രധാനകഥാപാത്രങ്ങളെ അവതരിപ്പിക്കുന്ന രജനീകാന്ത്, അക്ഷയ് കുമാർ, എമി ജാക്സ്ൺ, സംവിധായകൻ ശങ്കർ തുടങ്ങിയവരും ഓഡിയോ ലോഞ്ചിൽ പങ്കെടുക്കും. എ ആർ റഹ്മാനാണ് ചിത്രത്തിന്റെ സംഗീതം നിർവഹിച്ചിരിക്കുന്നത്.
പ്രൊജക്ട് പ്രഖ്യാപിച്ചത് മുതൽ ആരാധകർ ഏറെ സന്തോഷത്തിലാണ്. ചിത്രത്തിൽ അക്ഷയ് കുമാർ വില്ലനായി എത്തുന്നു എന്ന വാർത്തയും ആരാധകർ ഏറെ ആവേശത്തോടെയാണ് സ്വീകരിച്ചത്. ഇന്ത്യൻ സിനിമാ ചരിത്രത്തിൽ 2.0 ചരിത്രം സൃഷ്ടിക്കുമെന്നാണ് റിപ്പോർട്ടുകൾ.
