ഇന്ത്യയുടെ ചരിത്രവിജയത്തില്‍ കൂടുതല്‍ സന്തോഷിക്കുന്നത് പാക്കിസ്ഥാന്‍; ഇതാണ് അതിന്റെ കാരണം !
ഇന്ത്യ ജയിച്ചതില്‍ സന്തോഷിക്കുന്നത് പാക്കിസ്ഥാന്‍; കാരണമിതാണ്
ന്യൂസീലന്‍ഡിനെതിരായ ആദ്യ ട്വന്‍റി20യില്‍ തകര്‍പ്പന്‍ ജയമാണ് ടീം ഇന്ത്യ സ്വന്തമാക്കിയത്. 53 റണ്‍സിനായിരുന്നു ഇന്ത്യയുടെ വിജയം. ഇതോടെ പരമ്പരയില്‍ ഇന്ത്യ 1-0ന് മുന്നിലെത്തുകയും ചെയ്തു. ഇന്ത്യ ഉയര്‍ത്തിയ 203 റണ്‍സിന്റെ വിജയലക്ഷ്യം തേടി ബാറ്റിങ്ങിനിരങ്ങിയ ന്യൂസിലാന്‍ഡിന് 20 ഓവറില്‍ എട്ടിന് 149 റണ്‍സെടുക്കാനെ സാധിച്ചുള്ളു.
എന്നാല്‍ ഫിറോസ് ഷാ കോട്‌ലയില്‍ ഇന്ത്യ ചരിത്രവിജയം നേടിയതില്‍ ഏറ്റവും കൂടുതല്‍ സന്തോഷിക്കുന്നത് പാക്കിസ്ഥാന്‍ ടീമാണെന്നതാണ് യാഥാര്‍ത്ഥ്യം. മത്സരത്തില്‍ ഇന്ത്യ ജയിച്ചതോടെ ട്വന്‍റി20 റാങ്കിംഗില്‍ കിവികളെ പിന്തള്ളി പാക്കിസ്ഥാന്‍ ഒന്നാം സ്ഥാനത്തെത്തി. 124 പോയിന്റുമായി പാക്കിസ്ഥാന്‍ ഒന്നാമതും 121 പോയിന്റുമായി ന്യൂസീലന്‍ഡ് രണ്ടാം സ്ഥാനത്തുമാണ്.
ആദ്യ മത്സരത്തില്‍ വിജയിച്ചെങ്കിലും ടീം ഇന്ത്യ പട്ടികയില്‍ അഞ്ചാം സ്ഥാനത്താണുള്ളത്. ന്യൂസീലന്‍ഡിനെതിരായ പരമ്പര നേടിയാലും ഇന്ത്യക്ക് പാക്കിസ്ഥാനെ മറികടക്കാന്‍ കഴിയില്ല. അതേസമയം പരമ്പര തോറ്റാല്‍ ന്യൂസീലന്‍ഡ് രണ്ടാം സ്ഥാനത്ത് നിന്ന് താഴെയിറങ്ങുകയും ചെയ്യും.
