മോഹന്‍ലാലിന്റെ ഹിറ്റ് ചിത്രമായ ഒടിയന്‍ തെലുങ്ക് ഒടിടി റിലീസിന് തയ്യാറെടുക്കുന്നു. മലയാളത്തില്‍ വമ്പന്‍ ഹൈപ്പോടെ എത്തിയ സിനിമയ്ക്ക് ബോക്‌സോഫീസില്‍ പ്രതീക്ഷിച്ചത്ര നേട്ടം സ്വന്തമാക്കാനായിരുന്നില്ല. എങ്കിലും ഏറെക്കാലം ഫസ്റ്റ് ഡേ റെക്കോര്‍ഡ് ഒടിയന്റെ പേരിലായിരുന്നു. വി എ ശ്രീകുമാര്‍ സംവിധാനം ചെയ്ത ചിത്രത്തില്‍ മഞ്ജു വാര്യരായിരുന്നു മോഹന്‍ലാലിന്റെ നായികയായി എത്തിയത്.
ഒടിയന്റെ തെലുങ്ക് മൊഴിമാറ്റ പതിപ്പ് ഇടിവി വിന്‍ ആണ് വമ്പന്‍ തുകയ്ക്ക് സ്വന്തമാക്കിയത്. ഈ മാസം 24 മുതലാകും ചിത്രത്തിന്റെ സ്ട്രീമിംഗ് ആരംഭിക്കുക. ജീത്തു ജോസഫ് ചിത്രമായ നേരാണ് മോഹാന്‍ലാലിന്റേതായി പുറത്തിറങ്ങാനിരിക്കുന്ന അടുത്ത സിനിമ. മലൈക്കോട്ടെ വാലിബന്‍, ബാറോസ് എന്നീ ചിത്രങ്ങളാകും അതിന് ശേഷം മോഹന്‍ലാലിന്റേതായി തിയേറ്ററിലെത്തുന്ന സിനിമകള്‍.
