പ്രേമത്തിന് ശേഷം അല്‍ഫോണ്‍സ് പുത്രന്‍ ഏഴ് വര്‍ഷത്തെ ഇടവേള എടുത്തു മറ്റൊരു ചിത്രം ചെയ്യാന്‍. അദ്ദേഹത്തിന്റെ സംവിധാനത്തിലൊരുങ്ങുന്ന 'ഗോള്‍ഡി'ന്റെ ടീസര്‍ പ്രഖ്യാപനം കൊണ്ടു തന്നെ ശ്രദ്ധ നേടുകയാണ്.
ഇന്ന് വൈകിട്ട് ആറ് മാണിക്ക് മാജിക് ഫ്രേംസ് എന്ന യൂട്യൂബ് ചാനലിലൂടെയാണ് ടീസര്‍ പുറത്തിറങ്ങും.മാര്‍ച്ച് 25 മുതല്‍ തിയേറ്ററുകളിലും ടീസര്‍ എത്തുമെന്ന് അല്‍ഫോണ്‍സ് പുത്രന്‍ പറഞ്ഞു.
'ഏഴ് വര്‍ഷത്തെ ചെറിയ ഇടവേളയ്ക്ക് ശേഷം ഞാന്‍ എന്റെ സിനിമയുമായി തിരിച്ചെത്തുകയാണ്. 'ഗോള്‍ഡ്' ടീസര്‍ ഇന്ന് വൈകുന്നേരം 6 മണിക്ക് മാജിക് ഫ്രെയിംസിന്റെ യൂട്യൂബ് ചാനലില്‍ റിലീസ് ചെയ്യും. ഈ വെള്ളിയാഴ്ച, മാര്‍ച്ച് 25ന് 'ഗോള്‍ഡ്' ടീസര്‍ തീയറ്ററുകളില്‍ റിലീസ് ചെയ്യും. നിങ്ങളുടെ എല്ലാ പ്രാര്‍ത്ഥനകളും ആഗ്രഹങ്ങളും വേണം. ടീസര്‍ കണ്ടിട്ട് അഭിപ്രായം പറയു'- അല്‍ഫോന്‍സ് പുത്രന്‍ കുറിച്ചു.
