തമിഴ്‌നാട്ടില്‍ എന്നപോലെ കേരളത്തിലും വിജയ് എന്ന നടന് ആരാധകര്‍ ഏറെയാണ്. ലക്ഷക്കണക്കിന് ആരാധകരുള്ള താരം 14 വര്‍ഷങ്ങള്‍ക്ക് ശേഷം കേരളത്തിന്റെ മണ്ണിലേക്ക് വരുന്നു.
2011-ല്‍ 'കാവലന്‍' എന്ന ചിത്രത്തിന് വേണ്ടി വിജയ് കേരളത്തില്‍ എത്തിയിരുന്നു 14 വര്‍ഷത്തിന് ശേഷം അദ്ദേഹം ഇപ്പോള്‍ മലയാളക്കരയിലേക്ക് മടങ്ങിയെത്തുകയാണ്. വിജയിനെ കാണാനുള്ള കാത്തിരിപ്പിലാണ് മലയാളികള്‍.
'ഗ്രേറ്റസ്റ്റ് ഓഫ് ഓള്‍ ടൈം'( 'ഗോട്ട്' )എന്ന ചിത്രത്തിന്റെ ഷൂട്ടിംഗ് പുരോഗമിക്കുകയാണ്, സിനിമയുടെ ക്ലൈമാക്സ് തിരുവനന്തപുരത്തെ ഒരു സ്റ്റേഡിയത്തില്‍ ചിത്രീകരിക്കുമെന്ന് പറയപ്പെടുന്നു. മാര്‍ച്ച് 16 മുതല്‍ ഷൂട്ടിംഗ് ഷെഡ്യൂള്‍ ആരംഭിക്കുമെന്നാണ് വിവരം.
വെങ്കട്ട് പ്രഭു സംവിധാനം ചെയ്ത ചിത്രത്തില്‍ വിജയിനെ കൂടാതെ മീനാക്ഷി ചൗധരി, പ്രശാന്ത്, ലൈല, പ്രഭുദേവ, സ്‌നേഹ, അജ്മല്‍, പ്രേംജി, വൈഭവ്, വിടിവി ഗണേഷ്, യോഗി ബാബു, ജയറാം, പാര്‍വതി നായര്‍ എന്നിവരും അഭിനയിക്കുന്നു.യുവന്‍ ശങ്കര്‍ രാജയാണ് ചിത്രത്തിന് സംഗീതം ഒരുക്കുന്നത്.
