മലയാള സിനിമാ പ്രേക്ഷകര്‍ ഏറെ ആകാംക്ഷയോടെ കാത്തിരിക്കുന്ന സിനിമയാണ് ജയസൂര്യ നായകനായി എത്തുന്ന കത്തനാര്‍. സിനിമ പ്രഖ്യാപിച്ചപ്പോള്‍ കാര്യമായ പ്രകമ്പനമൊന്നും ഉണ്ടായില്ലെങ്കിലും സിനിമയുടെ ട്രെയ്‌ലര്‍ പുറത്തുവന്നതോടെയാണ് കത്തനാര്‍ മലയാളികള്‍ പ്രതീക്ഷിക്കുന്ന സിനിമയായി മാറിയത്. ഹോം എന്ന കുടുംബചിത്രം ഒരുക്കിയ റോജിന്‍ തോമസാണ് സിനിമയുടെ സംവിധാനം. 75 കോടി രൂപ മുതല്‍മുടക്കില്‍ വരുന്ന സിനിമ മലയാളത്തിലെ ഏറ്റവും ചിലവേറിയ സിനിമകളില്‍ ഒന്നാണ്.
ജയസൂര്യയ്‌ക്കൊപ്പം തെന്നിന്ത്യയിലെ സൂപ്പര്‍ നായികയായ അനുഷ്‌ക ഷെട്ടിയാണ് സിനിമയില്‍ നായികയായി എത്തുന്നത്. ബാഹുബലി സിനിമയുടെ വന്‍ വിജയത്തിന് ശേഷം തെന്നിന്ത്യയിലെ തന്നെ ഏറ്റവും താരമൂല്യമുള്ള നടിയാണ് അനുഷ്‌ക. ബാഹുബലിയ്ക്ക് ശേഷം ഒരു സിനിമയ്ക്ക് കുറഞ്ഞത് 5 കോടിയാണ് താരം പ്രതിഫലം വാങ്ങുന്നത്. അവസാനമായി ഇറങ്ങിയ മിസ് ഷെട്ടി മിസ്റ്റര്‍ പോളി ഷെട്ടി എണ്ണ സിനിമയ്ക്കായി 6 കോടി രൂപയാണ് താരം വാങ്ങിയത്.
2020ല്‍ പുറത്തിറങ്ങിയ നിശബ്ദം എന്ന സിനിമയ്ക്ക് ശേഷം 3 വര്‍ഷങ്ങള്‍ക്ക് ശേഷമായിരുന്നു അനുഷ്‌ക മിസ് ഷെട്ടി മിസ്റ്റര്‍ പൊളിഷെട്ടി എന്ന സിനിമയില്‍ അഭിനയിച്ചത്. എന്നാല്‍ പ്രതിഫലം കൂടുകയല്ലാാതെ കുറഞ്ഞുമില്ല.മലയാളത്തിലേക്കെത്തുമ്പോഴും അനുഷ്‌ക പ്രതിഫലത്തില്‍ കാര്യമായ വിട്ടുവീഴ്ച ചെയ്യാന്‍ സാധ്യതയില്ല. ഗോകുലം ഗോപാലന്‍ നിര്‍മിക്കുന്ന സിനിമ 3 ഷെഡ്യൂളുകള്‍ ഇതിനകം പൂര്‍ത്തിയാക്കിയിരുന്നു. സിനിമയില്‍ അനുഷ്‌കയുടെ വേഷത്തെ പറ്റി കൂടുതല്‍ വിവരങ്ങള്‍ പുറത്തുവന്നിട്ടില്ല.
